Assalamualaikum wr wb
Bismillahirohmanirohim
Sampurasun sadayana
Sim kuring sok ngadangu carios sepuh kapungkur atanapi ti para kiayi/ustad ditambih deui pami buka internet mengenai huruf ba.
Saurna teh al qur’an terkumpul dina bismillah saterasna bismillah terkumpul dina huruf ba.
Sim kuring panasaran dugika para kasepuhan/kiayi/ustad nyarios kitu.
Tiap dinten ,tiap bulan dugika tiap tahun kaemutan bae bari ngopi sareng udud dina wengi pami teu aya tunduh.
Sim kuring ngabayangkeun huruf ba . Saentos di bayang alhamdulillah sim kuring ningali titik nu aya di handap huruf ba eta, nembe kapendak aya gambaran yen titik basa arabna nuftah. Emut deui kana ayat dina al qur’an yen manusia teh asalna tina satetes cai nu hina ( satitik ).
Disawang deui eta huruf ba teh di sidik2 luhureun titik jiga parahu …..kaya2na si titik eta nu tadina di luar parahu kedah pindah janten di jero parahu . Pami titik eta pindah kana parahu sanes deui huruf ba tapi janten huruf nun.
Di sawang deui bedana huruf ba sareng nun teh ngan dina posisi titikna.
Ba …nun….ba nun bani …binnas teu kahaja sim kuring ngutak ngatik huruf ba sareng nun .
Binnas emut kana surat annash ditingali huruf panungtung al qur’an……Allohu Akbar nyata huruf nun ( huruf syin na di paehan).
Anapon kitu al qur’an dimimitian ku huruf ba ditungtungan ku huruf nun janten binnash manusia. Setetes mani pindah nu tadina di luar parahu( rahim ) janten di jero rahim nu di sebut embrio janin….nu saterssna mah aya dina al quran .
Wallahu alam bishowab
Hapunten kasadayana bilih lepat kirana .
Wassallam
